श्रृजना कविता प्रतियोगिता २००८ मा सहभागी संपूर्ण प्रतियोगी तथा पाठकहरुलाई हार्दिक धन्यवाद ज्ञापन गर्दै निम्न जानकारी गराउँदछौं :
१) अपेक्षा अनुरुप प्रतियोगितामा अभूतपूर्व पाठक सहभागिता भएको छ । प्रतियोगिताको दौरान दैनिक पाठक संख्या २,००० को हाराहारीमा रहेको पाइएको छ ।
२) प्रतियोगी परिचय नखुलाइएका कविताहरु भोट संख्या सहित निर्णायक समूहलाई बुझाइएको छ ।
३) निर्णायक त्रयद्वारा प्राप्त प्रतियोगिताको नतिजा फेब्ररी ८, तारीख नेपाली समय ठीक १ बजे प्रकाशित गरिने छ ।
भोटिङ्को बारेमा :-
वेब साइटको प्रचार या कविताको प्रचार (साहित्यको प्रचार) को साथै पाठक अभिमतको लागि निश्चित अवधि भोटिङ्को ब्यवस्था गरिएको थियो । केही समर्थकहरुद्वारा प्राविधिक छेकाबार नाघ्ने प्रयास भएकोमा त्यस्ता भोटहरुलाई निश्चय नै बदर गरिएको छ ।
आगामी कार्यक्रमको बारेमा :-
फेब्ररी ८ तारीख, दिनको १२ बजे, याक एन्ड यति, जोर्डन, हङकङमा श्रृजना कविता प्रतियोगिताको नतिजा घोषणा को साथै अन्तरक्रियाको कार्यक्रम गरिंदैछ । साहित्य प्रेमी सबैमा हार्दिक निमन्त्रणा छ । अन्य देशमा रहनु भएका साहित्यप्रेमीको लागि
www.mulbato.com ले प्रत्यक्ष प्रसारणको ब्यवस्था गर्ने जानकारी गराएको छ ।
हामीलाई प्रत्यक्ष परोक्ष सह्योग गर्ने मिडिया, प्रायोजक, वेब पोर्टल र शुभ चिन्तक प्रति ऋणी छौं ।
आगामी प्रतियोगिता श्रृजना कथा प्रतियोगिता २००९ रहने पनि जानकारी गराउँदछौं । विस्तृत विवरण चाँडै प्रदान गरिने छ।
नेपाली साहित्यमा तपाईंको अभिरुचिपूर्ण सहभागिताको लागि हार्दिक आभार प्रकट गर्दछौं ।
प्रतियोगिता आयोजक समिति
श्रृजना डट कम
I hope to see your gajal coming soon! 
Bharat ka Bhakta haru kai jeet vayo, k garnu ra khai....